انت مش مصور بس أنت مصمم معماري أكيد بتحتاج تصور شغلك و الغرض من التصوير ده بيكون توثيق و أظهار تفاصيل شغلك , مجهودك وابداعك المعماري وتعرضها بشكل أفضل سواء لغرض التوثيق أو لغرض تجاري وتسويقي

وهنا هنتكلم عن فن التصوير المعماري و أهميته لكل مهندس أو مصمم معماري

يعتبر التصوير المعماري خليط ما بين مبدأين التوثيق والفن , عملية التصوير المباني والهياكل الإنشائية على وجه الدقة والجمال ، وينقسم التصوير المعماري إلى التصوير الخارجي للمباني والتصوير الداخلي لها

وعشان كدة هيكون معانا المهندس و المصور المعماري: عصام عرفه في محاضرة عن التصوير المعماري للمعماريين مش المصورين

هيتكلم فيها ويتناقش معاكم عن :

أساسيات التصوير المعماري الخارجي / الداخلي

اختيار الكادر

تصوير موبايل و كاميرا

تعديلات بسيطة بتعمل فرق كبير في الصورة

امتى تحتاج مصور محترف وامتى تصور بنفسك

نصائح قبل وأثناء وبعد التصوير مع مصور محترف

المحاضرة يوم الخميس ٨ يوليو من الساعة ٧م لـ ٩,٣٠م في فرع المعادي وهتكون متاحة أونلاين ب ١٥٠ جنيه

الأعداد اللي هتحضر معانا في فرع المعادي هتكون محدودة, أما الاونلاين تقدر تحضره من أي مكان.

نرجوا الالتزام بارتداء الماسك داخل الايفينت والالتزام بالتعليمات حفاظا على سلامتكم.

الحضور و الحجز بالدفع المسبق لو هتحضر في فرع المعادي وسيتم غلق الحجز عند اكتمال العدد (الأعداد محدودة).